قصة سقراط و البرﯖاﯖ

 

ختبار الثلاث!

واحد النهار جا واحد السيد عند سقراط وهو زربان وقالو:"سقراط! واش سمعتي آش قال التلميذ ديالك؟"

سقراط خدا راحتو عاد جاوبو :" قبلما تقولي آش قال التلميذ ذيالي غادي نديرلك واحد الإمتحان بسيط ؟"

البركاك قال لسقراط "آيييه"!!

وهو يقولو سقراط:" خلينا دابا ننساو شويا داك الشي اللي قال تلميذي، أجي بعدا، قولي واش انت متأكد باللي داك الشي اللي غادي تقولي صحيح؟"

الراجل دْهشْ وقالو :"لا، أنا غير سمعت"!

سقراط:" مافيها باس! وكيفاش وقعليك حتى جاي تقولي بأن التلميذ ديالي قال هضرة أنت براسك مامتأكش منها؟"

السيد ولا بحال المطيشة وحشم وعرك..

سقراط بغا يبرد عليه شويا وقالو:" مافيها باس، مازال عندك فرصة باش تنجح ف الإمتحان، مازال غادي تجاوبني على سؤال "المنفعة". واش هاذ لخبرْ اللي راك جاي مزروب باش تقولولي عندي فيه انا شي منفعة؟؟

البركاك قالو :"لا"!

سقراط شدو مع ودنوأ وقالو آجي نقولك :" الخْبار اللي راك جايبلي ماهو لاصحيحْ ولا مزيان ولا ينفعني، غير قولي أبو ودنين علاش راك متشوق باش تقولولي"!

8/30/2013